Беҙҙең баш ҡалабыҙҙа башҡорт телендә профессиональ ике театр бар.Һәм беҙгә,актерҙарға,хәҙерге заманда үҙебеҙҙең милли театрыбыҙ һаҡланып ҡалһын өсөн,үҙ йөҙөн юғалтмаһын өсөн янып-көйөп эшләйбеҙ,бергәләп эшләйбеҙ.
Ҡайһы-саҡ тамашасы залында спектакль барышында 40-50 тамашасыны күреп бигерәк күңел әрней,уйландыра башлай.Миллионланған ҡалала исмаһам 200-300-ләнгән үҙебеҙҙең башҡорт тамашасыһы юҡмы ни?Әлбиттә бар.
Уҡыусыларҙы ҡыуып алып киләләр,ә уларҙың кемеһе ҡарай,ә кемдәре чипсы ашай-ашай телефонда уйнай.Илһам усағы шундай күренешкә әйләндеме?Ә күпме матур,сағыу,ысын,тере спектакльдәр кеше йөрөмәй тип юҡҡа сыҡты.Әкиәттәрҙе хәҙер урыҫ телендә уйнарға тура килә,ни өсөн тиһегеҙҙер,баш ҡалала башҡорт балалары юҡ тиҙәр,уйланырлыҡ урын бармы,әлбиттә бар.Әйҙәгеҙ үҙебеҙҙең милли театрҙарыбыҙҙы ситкә ҡуймайыҡ дуҫтар.Мин һеҙҙе көсләп театрға алып килә алмайым әлбиттә,әммә һеҙҙең берҙәмлелегеҙ кәрәк,исмаһам интернет доньяһында.Мәҫәлән үҙегеҙ килә алмаһағыҙ ҙа беҙҙең төркөмгә инеп https://vk.com/clubmolodezhka үҙегеҙҙең теләктәрегеҙҙе,тәҡдимдәрегеҙҙе ҡалдыра алаһығыҙ,дуҫтарығыҙҙы саҡырығыҙ.Әүҙемлеккә саҡырам дуҫтар!!!Моғайын минең мөрәжәғәт һеҙгә барып еткәндер.Осрашҡандарға тиклем дуҫтар!!!Театрҙарға йөрөгөҙ!!!
